ஜூனியர் உலகக் கோப்பை கிரிக்கெட் இறுதிப் போட்டிக்கு தகுதி பெற்றது இந்தியா
19 வயதுக்குட்பட்டோருக்கான உலக கோப்பை கிரிக்கெட் அரைஇறுதியில் ஆஸ்திரேலியாவை 96 ரன்கள் வித்தியாசத்தில் வீழ்த்தி இந்திய அணி இறுதிப் போட்டிக்கு முன்னேறியது.
டாஸ் வென்று முதலில் பேட்டிங் செய்த இந்திய அணி 50 ஓவர்களில் 5 விக்கெட் இழப்புக்கு 290 ரன்கள் சேர்த்தது. கேப்டன் யாஷ் துல் 110 ரன்களும், ஷேக் ரஷீத் 94 ரன்களும் குவித்தனர்.
தொடர்ந்து களமிறங்கிய ஆஸ்திரேலிய வீரர்கள் இந்திய பந்துவீச்சுக்கு ஈடுகொடுக்க முடியாமல் ஆரம்பம் முதலே தடுமாறினர். 41 புள்ளி 5 ஓவர்களில் 194 ரன்களுக்கு ஆஸ்திரேலியா அனைத்து விக்கெட்டுகளையும் இழந்தது.
இந்திய வீரர் விக்கி ஆஸ்ட்வெல் 3 விக்கெட் வீழ்த்தினார். 5ஆம் தேதி நடக்கும் இறுதிப் போட்டியில் இங்கிலாந்து அணியை இந்தியா எதிர்கொள்கிறது.
RELATED POSTS
Comments