தடுப்பூசி பற்றிக் கேள்வி எழுப்பியோருக்கு மக்கள் அடி கொடுத்ததாக யோகி ஆதித்யநாத்பேச்சு

தடுப்பூசி போட்டுக்கொண்ட மக்கள், தடுப்பூசி பற்றிக் கேள்வி எழுப்பியவர்களுக்குச் சரியான அடி கொடுத்ததாக உத்தரப்பிரதேச முதலமைச்சர் யோகி ஆதித்யநாத் தெரிவித்துள்ளார்.

புலந்த்சாகரில் பாஜக பொதுக்கூட்டத்தில் பேசிய அவர், கொரோனா தடுப்பூசி இயக்கம் தொடங்கியபோது, எதிர்க்கட்சித் தலைவர்கள் பலர் அதை மோடியின் தடுப்பூசி என்றும், பாஜக தடுப்பூசி என்றும் கூறியதுடன் பல கேள்விகளை எழுப்பியதாகத் தெரிவித்தார்.

எதிர்க்கட்சியினர் கூறியதை ஏற்காமல் மக்கள் தடுப்பூசி போட்டுக்கொண்டதாகக் குறிப்பிட்டார். அதேபோல் வரும் சட்டமன்றத் தேர்தலிலும் தாமரைக்கு வாக்களித்து எதிர்க்கட்சியினருக்குப் பாடம் புகட்ட வேண்டும் என மக்களைக் கேட்டுக்கொண்டார்.