ஹவுதி கிளர்ச்சிப் படை ஏவுகணைத் தாக்குதல் முயற்சி.. இடைமறித்து தாக்கி ஏவுகணை அழிப்பு - ஐக்கிய அரபு அமீரகம் தகவல்
ஹவுதி கிளர்ச்சிப் படை ஏவிய கண்டம் விட்டு கண்டம் பாய்ந்து தாக்கும் ஏவுகணையை வானிலே இடைமறித்து தாக்கி அழித்ததாக ஐக்கிய அரபு அமீரகம் தெரிவித்துள்ளது.
ஏமனில் இருந்து செலுத்தப்பட்ட ஏவுகணையை விமானப் படை விமானங்கள் இடைமறித்து அழித்ததாகவும், வெடித்து சிதறிய பொருட்கள் ஆள்நடமாட்டம் இல்லாத பகுதியில் விழுந்ததாகவும் தெரிவிக்கப்பட்டுள்ளது.
தாக்குதலுக்கு பதிலடி கொடுக்கும் விதமாக ஹவுதி படை நிறுவிய ஏவுகணை லாஞ்சரை அழித்ததாகவும், கடந்த ஒரு மாதத்தில் மட்டும் 3-வது முறையாக ஹவுதி படையின் ஏவுகணை தாக்குதல் முயற்சி தடுக்கப்பட்டதாகவும் ஐக்கிய அரபு அமீரகம் தெரிவித்துள்ளது.
RELATED POSTS
Comments