தடுப்பூசி இயக்கத்தை வெற்றிபெறச் செய்ததற்கு அனைவருக்கும் வாழ்த்து - பிரதமர் மோடி
நாட்டில் கொரோனா தடுப்பூசி இயக்கத்தை வெற்றியடையச் செய்ததற்காக அனைத்துக் குடிமக்களுக்குப் பிரதமர் நரேந்திர மோடி வாழ்த்து தெரிவித்துள்ளார்.
நல்வாழ்வுத்துறை அமைச்சர் மன்சுக் மாண்டவியா நேற்று டுவிட்டரில் வெளியிட்டுள்ள செய்தியில், 75 விழுக்காட்டினர் 2 தவணை தடுப்பூசி போட்டுக்கொண்டுள்ளது கொரோனா தொற்றுக்கு எதிரான போரில் நம்மை மேலும் வலுப்படுத்தியுள்ளதாகக் குறிப்பிட்டுள்ளார்.
மன்சுக் மாண்டவியாவின் டுவீட்டைப் பகிர்ந்துள்ள பிரதமர் மோடி, 75 விழுக்காட்டினருக்கு 2 தவணை தடுப்பூசி போட்டுச் சாதனை படைத்ததற்காக அனைத்துக் குடிமக்களுக்கும் வாழ்த்து தெரிவித்துள்ளார். தடுப்பூசி இயக்கம் வெற்றியடைந்ததற்கான பெருமை அனைவரையும் சாரும் என்றும் பிரதமர் குறிப்பிட்டுள்ளார்.
RELATED POSTS
Comments