ஜூனியர் உலகக் கோப்பை கிரிக்கெட் போட்டியின் அரையிறுதிக்குத் தகுதி பெற்றது இந்தியா
19வயதுக்குட்பட்டோருக்கான உலக கோப்பை கிரிக்கெட்டின் காலிறுதியில் வங்காளதேசத்தை 5 விக்கெட் வித்தியாசத்தில் வீழ்த்தி இந்திய அணி அரைஇறுதிக்கு முன்னேறியது.
முதலில் பேட்டிங் செய்த வங்காளதேசம், இந்திய வீரர்களின் பந்துவீச்சுக்கு ஈடுகொடுக்க முடியாமல் அடுத்தடுத்து விக்கெட்டுகளை இழந்தது. 37 புள்ளி 1 ஓவர்களில் 111 ரன்களுக்கு வங்காளதேசம் அனைத்து விக்கெட்டுகளையும் இழந்தது. இந்திய வீரர்கள் ரவிக் குமார் 3 விக்கெட்டும், விக்கி ஆஸ்ட்வால் 2 விக்கெட்டும் வீழ்த்தினர்.
தொடர்ந்து பேட்டிங் செய்த இந்திய அணி 30 புள்ளி ஓவர்களில் 5 விக்கெட்டு இழப்புக்கு 117 ரன்கள் சேர்த்து வெற்றி பெற்றது. அதிகபட்சமாக தொடக்க வீரர் Angkrish Raghuvanshi 44 ரன்கள் சேர்த்தார். வரும் 2ஆம் தேதி நடக்கும் அரைஇறுதியில் ஆஸ்திரேலியாவை, இந்திய அணி எதிர்கொள்கிறது.
RELATED POSTS
Comments