வடமாநில தொழிலாளர்கள் கொள்ளையில் ஈடுபட்டு வருவதாக வதந்தி பரப்புபவர்கள் மீது கடும் நடவடிக்கை எடுக்கப்படும் ; காவல்துறை எச்சரிக்கை

Jan 24, 2022 05:54:32 PM 0 2794

வடமாநில தொழிலாளர்கள் கொள்ளையில் ஈடுபட்டு வருவதாக வதந்தி பரப்புபவர்கள் மீது கடும் நடவடிக்கை எடுக்கப்படும்

நாமக்கல் மாவட்டம் ராசிபுரம் சுற்றுவட்டாரப் பகுதிகளில் தனி வீடுகளை குறிவைத்து வடமாநில தொழிலாளர்கள் கொள்ளையில் ஈடுபட்டு வருவதாக சிசிடிவி காட்சிகளை வெளியிட்டு வதந்தி பரப்புபவர்கள் மீது கடும் நடவடிக்கை எடுக்கப்படும் என காவல்துறை எச்சரித்துள்ளது.

வட மாநிலத்தவர் எனக் கூறப்படும் ஒருவர் ஒரு வீட்டை நோட்டமிடுவதை போன்ற சிசிடிவி காட்சிகள் வெளியானதையடுத்து அப்பகுதிக்கு சென்று விசாரணை மேற்கொண்ட காவல்துறையினர், கட்டடப் பணிகளில் ஈடுபட்டிருந்த வடமாநிலத்தை சேர்ந்த கூலித் தொழிலாளர்களிடம் மதுபோதையில் இருந்த உள்ளூர் நபர்கள் மிரட்டி பணம் கேட்டதாக தெரிவித்தனர்.

மதுபோதையில் இருந்த உள்ளூர் நபர் தான் சிசிடிவி காட்சியில் இருப்பவர் எனவும் காவல்துறை தெரிவித்துள்ளது. இந்நிலையில் தன்னிச்சையாக சிசிடிவி பதிவுகளை வெளியிட்டு மக்கள் மத்தியில் பீதியை ஏற்படுத்துவோர் மீது நடவடிக்கை எடுக்கப்படும் என, ராசிபுரம் டிஎஸ்பி செந்தில்குமார் எச்சரித்துள்ளார்.