கோயமுத்தூரில் வருமான வரி அதிகாரிகள் போல் நடித்து கல்குவாரி உரிமையாளர் வீட்டில் 20 லட்சம் ரூபாய் கொள்ளையடித்து சென்ற 7 பேர் கைது.!

Jan 21, 2022 05:33:25 PM 0 5091

கோயமுத்தூரில் வருமான வரி அதிகாரிகள் போல் நடித்து கல்குவாரி உரிமையாளர் வீட்டில் 20 லட்சம் ரூபாய் கொள்ளையடித்து சென்ற 7 பேர் கைது செய்யப்பட்டுள்ள நிலையில், முக்கிய குற்றவாளிகளான 3 பேரை போலீசார் தேடி வருகின்றனர்.

கிணத்துக்கடவு காந்திநகர் பகுதியில் பஞ்சலிங்கம் என்பவரது வீட்டிக்கு கடந்த 15ஆம் தேதி சொகுசு காரில் வந்த நபர்கள் வருமான வரி அதிகாரிகள் போல தங்களை காட்டிக்கொண்டு, சில ஆவணங்கள், காசோலைகள், ஹார்ட் டிஸ்க் மற்றும் 20 லட்சம் ரூபாய் பணத்தை கொள்ளையடித்துச் சென்றதாக கூறப்படுகிறது.

கல் குவாரி உரிமையாளர் கொடுத்த புகாரின் பேரில் சிசிடிவி கேமராவில் பதிவான காரின் பதிவு எண்ணை கொண்டு போலீசார் கொள்ளையர்களை தேடி வந்த நிலையில், ஈச்சனாரி புறவழி சாலை பகுதியில் சோதனையின்போது சிக்கிய 3 பேரை கைது செய்து, 3 லட்சம் ரூபாயை பறிமுதல் செய்தனர்.

அவர்களிடம் நடத்திய விசாரணையை தொடர்ந்து, கொள்ளைக்கு உடந்தையாக இருந்த மேலும் 4 பேரை கைது செய்ததுடன் முக்கிய குற்றவாளிகள் 3 பேரை தேடி வருகின்றனர்.