நடத்தையில் சந்தேகம் கொண்டு கணவர் கைவிட்டுவிட்டதாக கூறி தேசிய நெடுஞ்சாலையில் மறியலில் ஈடுபட்ட 5 மாத கர்ப்பிணி
காஞ்சிபுரம் மாவட்டம் ஸ்ரீபெரும்புதூர் அருகே காதல் திருமணம் செய்த கணவர் தன் நடத்தையில் சந்தேகப்பட்டு கைவிட்டுவிட்டதாகக் கூறி, 5 மாத கர்ப்பிணி தேசிய நெடுஞ்சாலையில் மறியலில் ஈடுபட்டதால் போக்குவரத்து பாதிக்கப்பட்டது.
வளர்புரம் பகுதியைச் சேர்ந்த இமானுவேல் - வரலட்சுமி தம்பதி பெற்றோர் ஒப்புதலுடன் காதல் திருமணம் செய்துள்ளனர். தற்போது வரலட்சுமி 5 மாத கர்ப்பிணியாக உள்ள நிலையில், அவரது நடத்தையில் சந்தேகம் கொண்ட இமானுவேல், வயிற்றில் வளரும் குழந்தை தன்னுடையது இல்லை எனக் கூறி, மனைவியை அடித்துத் துன்புறுத்தி தாய் வீட்டுக்கு அனுப்பி விட்டார் என்று கூறப்படுகிறது.
போலீசில் புகாரளித்தும் நடவடிக்கை எடுக்கவில்லை எனக் கூறி பேரம்பாக்கம் -சென்னை நெடுஞ்சாலையில் அமர்ந்து வரலட்சுமி மறியலில் ஈடுபட்டார். போலீசார் அவரை சமாதானம் செய்து அழைத்துச் சென்று விசாரித்து வருகின்றனர்.
RELATED POSTS
Comments