திருப்பூரில், மது போதையில் பெண் தலைமை காவலரிடம் தகராறு செய்த 4 இளைஞர்கள் கைது.!
திருப்பூரில், மது போதையில் பெண் தலைமை காவலரிடம் தகராறு செய்த 4 இளைஞர்களை போலீசார் கைது செய்தனர்.
திருப்பூர் வடக்கு காவல் நிலையத்தில் பணியாற்றி வரும் பெண் தலைமை காவலர் பவானி, நகர் பகுதியில் இரவு நேரத்தில் ரோந்து பணியில் ஈடுபட்டிருந்த நிலையில், அப்போது அங்கு 4 இளைஞர்கள் மதுபோதையில் பொதுமக்களுக்கு இடையூறு ஏற்படுத்தும் வகையில் ரகளையில் ஈடுபட்டதாக கூறப்படுகிறது.
இதனை பவானி தட்டிக்கேட்ட நிலையில், அந்த இளைஞர்கள் பவானியிடம் வாக்குவாதத்தில் ஈடுபட்டதோடு, தகாத வார்த்தைகளால் திட்டியதாக சொல்லப்படுகிறது. பவானி அளித்த தகவலின் பேரில் உடனே அங்கு விரைந்த போலீசார் 4 பேரையும் எச்சரித்து அனுப்ப முயன்றனர்.
ஆனால் அந்த இளைஞர்கள் அங்கிருந்து செல்லாமல் அவர்களிடமும் வாக்குவாதத்தில் ஈடுபட்டனர்.இதனையடுத்து ரகளையில் ஈடுபட்ட, கோல்டன் நகரை சேர்ந்த தேவா, சரண்ராஜ், சுரேஷ், கலைவீரன் ஆகிய 4 பேரையும் கைது செய்தனர்.
RELATED POSTS
Comments