ஆட்சி இழந்து 5 ஆண்டுக்குப் பின்னும் சுவர்களில் இருந்து பணம்.. சமாஜ்வாதி மீது யோகி ஆதித்யநாத் குற்றச்சாட்டு
உத்தரப் பிரதேசத்தில் முந்தைய ஆட்சியாளர்கள் ஆட்சியை இழந்து ஐந்தாண்டுகள் ஆன பின்னரும் அவர்களின் வீட்டுச் சுவர்களில் இருந்து பணத்தாள் கட்டுகள் எடுக்கப்படுவதாக முதலமைச்சர் யோகி ஆதித்யநாத் தெரிவித்துள்ளார்.
கவுசாம்பியில் ஏழைகளுக்கு வீடு கட்டும் பிரதமர் வீட்டு வசதித் திட்டத்தின் பூமிபூஜையில் பங்கேற்ற யோகி ஆதித்யநாத், அதன்பின் மாநாட்டில் உரையாற்றினார். அப்போது, சமாஜ்வாதி அரசு மக்களின் பணத்தைக் கொள்ளையடித்ததாகவும், தமது அரசு மக்கள் பணத்தை நலத்திட்டங்களுக்குச் செலவிடுவதாகவும் தெரிவித்தார்.
கான்பூர் வணிகர் பியூஷ் ஜெயின் வீட்டில் 177 கோடி ரூபாய் பறிமுதல் செய்யப்பட்டதைக் குறிப்பிட்ட யோகி ஆதித்யநாத், முந்தைய ஆட்சியில் கொள்ளையடிக்கப்பட்ட பணம் இப்போது பறிமுதல் செய்யப்படுவதாகத் தெரிவித்தார்.
RELATED POSTS
Comments