சென்னையில் மாநகரப் பேருந்து ஓட்டுநர், நடத்துநரை பள்ளி மாணவர்கள் தாக்கியதால் போக்குவரத்து ஊழியர்கள் சாலை மறியல்.!
சென்னை ஓட்டேரியில் மாநகரப் பேருந்து ஓட்டுநர், நடத்துநரை பள்ளி மாணவர்கள் தாக்கியதாக கூறப்படும் நிலையில், போக்குவரத்து ஊழியர்கள் சாலை மறியலில் ஈடுபட்டனர்.
அண்ணா சதுக்கத்தில் இருந்து பெரம்பூர் செல்லும் பேருந்து ஓட்டேரி பாலம் அருகே சென்ற போது படிக்கட்டில் தொங்கியபடி மாணவர்கள் பயணித்துள்ளனர். அவர்களை பேருந்திற்குள் வரும்படி ஓட்டுநரும், நடத்துநரும் அறிவுறுத்திய நிலையில் மாணவர்கள் வாக்குவாதத்தில் ஈடுபட்டுள்ளனர்.
இதனை அடுத்து, ஓட்டுநரையும், நடத்துநரையும் மாணவர்கள் சிலர் தாக்கியதாக கூறப்படுகிறது. இந்நிலையில், அவ்வழியாக வந்த மாநகரப் பேருந்துகளை ஆங்காங்கே நிறுத்திவிட்டு போக்குவரத்து ஊழியர்கள் சாலையில் அமர்ந்து மறியலில் ஈடுபட்டனர்.
சுமார் ஒரு மணி நேரம் சாலை மறியல் போராட்டம் நடைபெற்றதால் ஓட்டேரி, கொன்னூர் நெடுஞ்சாலையில் போக்குவரத்து நெரிசல் ஏற்பட்டது.
RELATED POSTS
Comments