குன்னூர்: ஹெலிகாப்டர் பறந்து சென்று, பனிமூட்டத்திற்குள் மறையும் வீடியோ காட்சிகள்

Dec 09, 2021 11:04:58 AM 0 7374

நீலகிரி மாவட்டம் குன்னூர் அருகே ராணுவ ஹெலிகாப்டர் விபத்தில் சிக்கி முப்படைகளின் தலைமை தளபதி பிபின் ராவத் உள்ளிட்ட 13 பேர் பலியான நிலையில், விபத்துக்குள்ளான ஹெலிகாப்டர் கடைசியாக பறந்து சென்றதை அங்கிருந்த சுற்றுலா பயணிகள் பார்த்ததாக கூறப்படும் வீடியோ வெளியாகியுள்ளது.

முப்படைகளின் தலைமை தளபதி பிபின் ராவத் அவரது மனைவி மதுலிகா ராவத் உள்ளிட்ட 14 பேருடன் சென்ற ராணுவ ஹெலிகாப்டர் நீலகிரி மாவட்டம் குன்னூர் அருகே நேற்று விபத்தில் சிக்கியது.

இந்த நிலையில், விபத்துக்குள்ளான ஹெலிகாப்டர் கடைசியாக பறந்து சென்றதை பார்த்ததாக காட்டேரி பூங்கா பகுதியில் இருந்த சுற்றுலாப் பயணிகள் தெரிவித்துள்ளனர். ஹெலிகாப்டர் தாழ்வான உயரத்தில் பறந்து சென்றதையும், அது பனிமூட்டத்திற்குள் மறையும் காட்சிகளையும் அவர்கள் படம்பிடித்துள்ளனர்.

கடும் பனிமூட்டத்திற்குள் ஹெலிகாப்டர் மறைந்த, சற்று நேரத்திலேயே அதி பயங்கர சத்தத்தை உணர்ந்த அந்த சுற்றுலாப் பயணிகள், என்ன ஆனது?, ஹெலிகாப்டர் விழுந்து உடைந்துவிட்டதா? என அவர்களுக்குள்ளே கேள்வி எழுப்பிக் கொண்ட காட்சிகளும் வீடியோவில் பதிவாகியுள்ளது.