வணிக வளாகத்தின் பூட்டை உடைத்து கொள்ளை.. சிசிடிவி காட்சிகளின் அடிப்படையில் திருடர்களுக்கு வலைவீச்சு..!
வணிக வளாகத்தின் பூட்டை உடைத்து கொள்ளை..
தூத்துக்குடியில் உள்ள ஒரு வணிகவளாகத்தின் பூட்டை உடைத்து இரண்டு மர்மநபர்கள் உள்நுழையும் சிசிடிவி காட்சிகள் வெளியாகியுள்ளன.
வீட்டு வசதி வாரிய குடியிருப்பு பகுதியில் அமைந்துள்ள வணிக வளாகத்தில் உள்ள ஒரு மளிகை கடையில் கடந்த மாதமே ஒரு லட்சம் பணம் திருட்டுப்போன நிலையில் அங்கு கண்காணிப்பு கேமரா பொருத்தப்பட்டது.
இதையடுத்து, பூட்டு உடைக்கப்பட்டிருப்பதை கண்ட அங்கிருந்தவர்கள் மளிகைக்கடை காரருக்கு கொடுத்த தகவலின் படி, சிசிடிவி காட்சிகளை ஆய்வு செய்ததில் வணிகவளாகத்தில் உள்ள ஜெராக்ஸ் கடை மற்றும் லாரி செட் ஷட்டரின் பூட்டை உடைத்து இரண்டு மர்மநபர்கள் உள்ளே நுழைவது தெரியவந்தது.
இதையொட்டி, லேப்டாப் மற்றும் பணம் திருடுப்போயிருப்பதாக சம்பந்தப்பட்ட கடைக்காரர்கள் கொடுத்த புகாரின் பேரில், சிசிடிவி காட்சிகளை அடிப்படையாக கொண்டு காவல்துறையினர் திருடர்களை தேடி வருகின்றனர்.
RELATED POSTS
Comments