வந்தவாசி அருகே தனியார் பள்ளி வாகனம் தலைகுப்புற கவிழ்ந்து விபத்து..!
திருவண்ணாமலை மாவட்டம் வந்தவாசி அருகே பள்ளி வாகனம் கவிழ்ந்ததில் ஓட்டுநர் மற்றும் 9 மாணவர்கள் படுகாயமடைந்துள்ளனர்.
சேத்துப்பட்டு தாலுக்கா வயலூர் கிராமம் அருகே அமைந்துள்ள தனியார் பள்ளியில் தேசூர் பகுதியிலிருந்து பயின்ற மாணவர்களை ஏற்றிக்கொண்டு வந்த பள்ளி வாகனமானது தென்தின்னலூர் கிராமத்தில் சென்று கொண்டிருந்தபோது எதிரே வந்த மினி சரக்கு வாகனத்திற்கு வழிவிட ஒரமாக ஒதுங்கியதில் ஈரமண்ணில் பிடிமானமின்றி ஓட்டுநரின் கட்டுப்பாட்டை இழந்து பள்ளத்தில் தலைகுப்புற கவிழ்ந்து விபத்துக்குள்ளானது.
இதையடுத்து, பள்ளி சிறார்களின் அலறல் சத்தம் கேட்டு ஓடி வந்த அப்பகுதி மக்கள் காயமடைந்த ஓட்டுநர் பாலகிருஷ்ணன் மற்றும் 9 மாணவர்களை அருகிலிருந்த தெள்ளார் ஆரம்ப சுகாதர மையத்தில் முதலுதவிக்காக அனுமதித்தனர்.
பின்னர் காயமடைந்தவர்களை மேற்சிகிச்சைக்காக வந்தவாசியில் உள்ள தனியார் மருத்துவமனைக்கு அனுப்பி வைத்தனர். இந்த விபத்து குறித்து காவல்துறையினர் வழக்கு பதிந்து விசாரனை மேற்கொண்டு வருகின்றனர்.
RELATED POSTS
Comments