கல்லூரி மாணவிக்கு தொடர் பாலியல் தொல்லை கொடுத்ததாக பேராசிரியர் கைது..!

விருதுநகர் மாவட்டம் ஸ்ரீவில்லிபுத்தூரில் கல்லூரி மாணவிக்கு தொடர் பாலியல் தொல்லை அளித்ததாக பேராசிரியர் கைது செய்யப்பட்டுள்ளார்.

ஆத்திகுளம் பகுதியைச் சேர்ந்த டென்சிங் பாலையா, சிவகாசி சாலையில் செயல்பட்டு வரும் தனியார் கல்லூரியில் தாவரவியல் துறை பேராசிரியராக பணிபுரிந்து வருகிறான். அதே கல்லூரியில் என்.சி.சி. அமைப்பையும் டென்சிங் பாலையா நிர்வகித்து வந்துள்ளான். இந்த நிலையில், தன்னிடம் பயிலும் மாணவிக்கு சில மாதங்களாகவே டென்சிங் பாலையா பல்வேறு சந்தர்ப்பங்களில் தகாத முறையில் நடந்து கொண்டு பாலியல் தொல்லை கொடுத்து வந்ததாக கூறப்படுகிறது.

இது குறித்து மாணவி பெற்றோரிடம் கூறவே, அவர்கள் ஸ்ரீவில்லிபுத்தூர் அனைத்து மகளிர் காவல் நிலையத்தில் அளிக்கப்பட்ட புகாரின் அடிப்படையில் விசாரணை நடத்திய போலீசார், பேராசிரியர் டென்சிங் பாலையாவை கைது செய்தனர். நீதிமன்றத்தில் ஆஜர்படுத்தப்பட்ட பேராசிரியரை 15 நாள் நீதிமன்ற காவலில் சிறையில் அடைக்க உத்தரவிடப்பட்டுள்ளது.