அதிமுக ஒருங்கிணைப்பாளர், இணை ஒருங்கிணைப்பாளர் தேர்தல் டிசம்பர் 7 அன்று நடைபெறும் - அதிமுக தலைமையகம்

அதிமுக ஒருங்கிணைப்பாளர், இணை ஒருங்கிணைப்பாளர் தேர்தல் டிசம்பர் ஏழாம் நாள் நடைபெறும் என அதிமுக தலைமையகம் அறிவித்துள்ளது.

டிசம்பர் 3, 4 ஆகிய நாட்களில் காலை 10 மணி முதல் பிற்பகல் 3 மணி வரை வேட்பு மனு தாக்கல் செய்யலாம் எனக் குறிப்பிட்டுள்ளது. டிசம்பர் 5 அன்று வேட்பு மனுக்கள் பரிசீலிக்கப்படும் என்றும், டிசம்பர் 6 மாலை 4 மணி வரை வேட்பு மனுவைத் திரும்பப் பெறலாம் என்றும் குறிப்பிட்டுள்ளது.

டிசம்பர் 7 காலை 10 மணி முதல் மாலை 5 மணி வரை வாக்குப் பதிவு நடைபெறும் என்றும், பதிவாகும் வாக்குகள் மறுநாள் எண்ணப்பட்டு முடிவு அறிவிக்கப்படும் என்றும் தெரிவிக்கப்பட்டுள்ளது. முன்னாள் அமைச்சர்கள் பொன்னையன், பொள்ளாச்சி ஜெயராமன் ஆகியோர் தேர்தல் ஆணையாளர்களாகப் பணியாற்றுவர் என்றும் குறிப்பிட்டுள்ளது.