மனைவியுடன் கருத்து மோதலில் பாலத்தின் மீது அமர்ந்தபோது தவறி கூவம் ஆற்றில் விழுந்த நபர்!
சென்னை அண்ணாசாலை முத்துசாமி மேம்பாலத்தில் இருந்து மது போதையில் கூவம் ஆற்றில் தவறி விழுந்தவரை போலீசார், தீயணைப்புத் துறையினர் தேடி வருகின்றனர்.
காந்தி நகர் பகுதியை சேர்ந்த வில்சன் பாலம் அருகில் அமர்ந்து மது அருந்தியதாகவும், தன் மனைவியுடன் ஏற்பட்ட கருத்து மோதலில் மேம்பாலத்தில் இருந்து தவறி கூவத்தில் விழுந்ததாகவும் கூறப்படுகிறது. சம்பவம் நிகழ்ந்த இடத்தில் இருந்து நேப்பியர் பாலம் வரை தேடிய போதும் வில்சன் கிடைக்கவில்லை என்றும் தொடர்ந்து தேடுதல் பணியில் ஈடுபடுவதாக தீயணைப்புத்துறையினர் தெரிவித்தனர்.
ஏற்கனவே இதேபோல் 2 முறை ஆற்றில் தவறிவிழுந்து மீண்டும் வீட்டுக்கு வில்சன் வந்ததாக மனைவி தெரிவித்துள்ளார்.
RELATED POSTS
Comments