சட்டவிரோத நடவடிக்கைகளில் ஈடுபடும் மக்கள் பிரதிநிதிகளுக்கு எதிராக கடுமையான நடவடிக்கைகள் எடுக்க வேண்டும் - சென்னை உயர் நீதிமன்றம்

Sep 24, 2021 05:43:17 PM 0 2339

நில அபகரிப்பு உள்ளிட்ட சட்டவிரோத நடவடிக்கைகளில் ஈடுபடும் மக்கள் பிரதிநிதிகளுக்கு எதிராக கடுமையான நடவடிக்கைகள் எடுக்க வேண்டும் என்று தமிழக அரசுக்கு சென்னை உயர் நீதிமன்றம் உத்தரவிட்டுள்ளது.

ஊராட்சி தலைவர், கவுன்சிலர் உள்ளிட்டோர் நில அபகரிப்பில் ஈடுபட்டது பற்றி கேள்வி எழுப்பிய நபருடைய வீட்டின் குடிநீர் இணைப்பு துண்டிக்கப்பட்டது. இதனால் ஏற்பட்ட மன உளைச்சலுக்கு 10 லட்சம் ரூபாய் இழப்பீடு வழங்க கோரி அந்த நபர் தொடர்ந்த வழக்கு உயர்நீதிமன்ற நீதிபதி எஸ்.எம்.சுப்பிரமணியம் முன் விசாரணைக்கு வந்தது.

மக்கள் பிரதிநிதிகள், நில அபகரிப்பு போன்ற குற்றங்களில் ஈடுபடுவது ஜனநாயகத்துக்கே அச்சுறுத்தலானது என்று தெரிவித்த நீதிபதி, அது போன்ற புகார் வந்தால் விசாரிக்க வேண்டும் என்று அரசுக்கு உத்தரவிட்டார்.