கோடநாடு வழக்கில் புதிய திருப்பம்: கம்ப்யூட்டர் ஆப்பரேட்டராக பணிபுரிந்த தினேஷ் குமார் தற்கொலை குறித்து அவரது தந்தை, சகோதரியிடம் விசாரணை
கோடநாடு எஸ்டேட்டில் கம்ப்யூட்டர் ஆப்பரேட்டராக பணியாற்றிய தினேஷ் குமார் தற்கொலை குறித்து அவரது குடும்பத்தினரிடம் 2ஆவது நாளாக போலீசார் விசாரணை நடத்தினர்.
கோடநாடு எஸ்டேட் கொலை மற்றும் கொள்ளை வழக்கில், 5 தனிப்படைகள் அமைத்து போலீசார் மேல் விசாரணை நடத்தி வருகின்றனர். அதன் ஒருபகுதியாக, கோடநாடு எஸ்டேட் கம்ப்யூட்டர் ஆபரேட்டர் தினேஷ்குமார் தற்கொலை குறித்து, அவரது தந்தை போஜனிடம் நேற்று 2 மணிநேரம் விசாரணை நடத்தினர்.
இன்று தினேஷின் சகோதரி ராதிகா, தாயார் கண்ணகி ஆகியோரிடம் விசாரணை நடத்தினர். தினேஷ்குமார் தற்கொலை செய்து கொண்ட சூழல் குறித்து இருவரிடமும் விசாரணை நடத்தப்பட்டுள்ளது.
இதனிடையே வழக்கில் குற்றஞ்சாட்டப்பட்டுள்ள, 8 மற்றும் 9ஆவது எதிரிகளான, கேரளாவை சார்ந்த சந்தோஷ்சாமி மற்றும் மனோஜ்சாமி ஆகியோர், நாளை காலை உதகையில் விசாரணைக்கு ஆஜராக சம்மன் வழங்கப்பட்டுள்ளது.
RELATED POSTS
Comments