தமிழக புதிய ஆளுநராக ஆர்.என்.ரவி பதவியேற்பு
தமிழக புதிய ஆளுநராக ஆர்.என்.ரவி பதவியேற்பு
சென்னை கிண்டி ஆளுநர் மாளிகையில் தேசிய கீதம் மற்றும் தமிழ்த் தாய் வாழ்த்துடன் நிகழ்ச்சி தொடங்கியது. பதவி ஏற்க வந்த ஆர்.என்.ரவியை முதலமைச்சர் மு.க.ஸ்டாலின் மற்றும் தமிழக அரசு அதிகாரிகள் வரவேற்றனர்.
பிறகு உயர்நீதிமன்ற தலைமை நீதிபதி சஞ்சீப் பானர்ஜி, ஆளுநராக ஆர்.என்.ரவிக்கு பதவிப் பிரமாணம் செய்து வைத்தார்.
புதிய ஆளுநர் ஆர்.என்.ரவிக்கு முதலமைச்சர் மு.க.ஸ்டாலின் புத்தகம் கொடுத்து வாழ்த்து தெரிவித்தார். தலைமை நீதிபதி சஞ்சீப் பானர்ஜியும் பூக்கூடை கொடுத்து ஆளுநர் ரவிக்கு வாழ்த்து கூறினார்.
தொடர்ந்து சபாநாயகர் அப்பாவு மற்றும் தமிழக அமைச்சர்களை ஆளுநர் ரவிக்கு முதலமைச்சர் மு.க.ஸ்டாலின் அறிமுகம் செய்து வைத்தார்.
மத்திய அமைச்சர் எல்.முருகன், எதிர்கட்சித் தலைவர் எடப்பாடி பழனிசாமி, பாஜக மாநில தலைவர் அண்ணாமலை உள்ளிடடோரும் ஆளுநருக்கு நேரில் வாழ்த்து கூறினர். பிறகு நடைபெற்ற தேநீர் விருந்தில் ஆளுநருடன் முதலமைச்சர் மு.க.ஸ்டாலின் மற்றும் அமைச்சர்கள் பங்கேற்றனர்.
RELATED POSTS
Comments