உஜ்ஜெயினி மகாகலேஷ்வர் சிவன் கோயில் கூட்ட நெரிசலில் சிக்கி பலருக்கு காயம்
புகழ் பெற்ற உஜ்ஜெயினி மகாகலேஷ்வர் சிவன் கோயிலில் ஏற்பட்ட கூட்ட நெரிசலில் பக்தர்கள் ஒருவர் மீது ஒருவர் விழுந்ததால், குழந்தைகள், பெண்கள் உள்ளிட்ட பலருக்கு காயம் ஏற்பட்டது.
இந்த கோயிலுக்கு இன்று காலை மத்திய பிரதேச முதலமைச்சர் சிவராஜ் சிங் சவுகான், உமா பாரதி உள்ளிட்ட சில பிரமுகர்கள் குடும்பத்துடன் வந்து வழிபட்டனர்.
அதனால் பக்தர்கள் கட்டுப்படுத்தி வைக்கப்பட்டனர். முக்கிய பிரமுகர்கள் வந்து சென்ற பின், அங்கிருந்த பக்தர்கள் அனைவரும் முண்டியடித்துக் கொண்டு சாமி தரிசனத்திற்காக சென்றனர்.
அப்போது ஏற்பட்ட நெரிசலில் பக்தர்கள் தடுப்புகளை உடைத்துக் கொண்டு ஒருவர் மீது ஒருவர் தரையில் விழுந்தனர்.
கட்டுப்படுத்த முயன்ற போலீசாரையும் தள்ளி விட்டவாறு, தனிமனித இடைவெளியையும் காற்றில் பறக்கவிட்டு பக்தர் கூட்டம் கோயிலுக்கு செல்ல முயன்றதால் அங்கு களேபரமான சூழல் ஏற்பட்டது.
குறைந்தது ஒரு டோஸ் தடுப்பூசி போட்டவர்கள் அல்லது RT-PCR சோதனை செய்தவர்களுக்கு மட்டுமே கோவிலுக்குள் அனுமதி வழங்கப்பட்டுள்ளது.
RELATED POSTS
Comments