2032ம் ஆண்டு பிரிஸ்பேனில் ஒலிம்பிக் போட்டி நடைபெறும் என சர்வதேச ஒலிம்பிக் கமிட்டி அறிவிப்பு

2032 ஆம் ஆண்டு ஒலிம்பிக் போட்டிகள் ஆஸ்திரேலியாவின் பிரிஸ்பேனில் நடைபெறும் என்று சர்வதேச ஒலிம்பிக் கமிட்டி அதிகாரப்பூர்வமாக அறிவித்துள்ளது.

2018 காமன்வெல்த் போட்டிகளை நடத்திய கோல்ட் கோஸ்ட் உட்பட குயின்ஸ்லாந்து மாநிலம் முழுவதும் ஒலிம்பிக் போட்டிகள் நடத்தப்படும் என்று தெரிவிக்கப்பட்டுள்ளது.

முன்னதாக 2024-ம் ஆண்டிற்கான போட்டிகள் பிரான்ஸ் தலைநகர் பாரிசிலும், அதற்கடுத்த போட்டிகள் அமெரிக்காவில் உள்ள லாஸ் ஏஞ்ஜெலஸ் நகரிலும் நடைபெற உள்ளது குறிப்பிடத்தக்கது.  ஜப்பான் தலைநகர் டோக்கியோவில்  நாளை மறுநாள் ஒலிம்பிக் போட்டிகள் துவங்க உள்ள நிலையில் இந்த அறிவிப்பு வெளியாகி இருக்கிறது.