’ரோடு தான் என் வீடு’.. அண்ணாசாலையில் படுத்து இளைப்பாறிய போதை ஆசாமி..!
சென்னை அண்ணாசாலையில் மதுபோதையில் சாலையின் குறுக்கே படுத்து கிடந்து அட்டகாசம் செய்த போதை ஆசாமியால் போக்குவரத்து பாதிக்கப்பட்டது.
மதுபோதையில் வந்த அந்த நபர், சாலையில் அங்கும், இங்கும் சுற்றித்திரிந்தார். பின்னர், கொளுத்தும் வெயிலையும் மறந்து பஞ்சு மெத்தையில் படுப்பது போல் சாலையில் சாவகாசமாக படுத்து கிடந்த அந்த ஆசாமி, தைரியம் இருந்தால் என் மீது வண்டியை ஏற்றிப்பார் என வாகன ஓட்டிகளுக்கு சவால் விட்டார்.
போதையில் இருந்த நபரை ஆறுதல்படுத்தி நடைமேடக்கு கொண்டு செல்ல வாகன ஓட்டிகள் முயற்சித்த நிலையில் அவர்களை கடும் சொற்களால் வசை பாடினார்.
போதை தலைக்கேறிய நிலையில், சயன கோலத்தில் கேமராவை நோக்கி போஸ் கொடுத்த ஆசாமி, அந்த பக்கம் வாகனம் வராததால், தாவிக் குதித்து மறுமார்க்கத்தில் சென்று படுத்துக் கொண்டார். பொறுத்துப் பொறுத்துப் பார்த்த வாகன ஓட்டிகள்,வேறு வழியின்றி போதை ஆசாமியை இழுத்து சென்று நடைமேடையில் அமர வைத்துச் சென்றனர்.
RELATED POSTS
Comments