4 மணி நேரமாக ஆம்புலன்சில் காத்திருப்பு... ஆக்சிஜன் தீர்ந்ததால் மூச்சுத் திணறி இளைஞர் உயிரிழப்பு
கிருஷ்ணகிரி அரசு மருத்துவமனையில் படுக்கை வசதி கிடைக்காமல் 4 மணி நேரம் ஆம்புலன்சில் காக்க வைக்கப்பட்டிருந்த நோயாளி, சிலிண்டரில் ஆக்சிஜன் தீர்ந்ததால் மூச்சுத் திணறிப் பரிதாபமாக உயிரிழந்தது சோகத்தை ஏற்படுத்தி உள்ளது.
கிருஷ்ணகிரியைச் சேர்ந்த 34 வயது இளைஞர் கொரோனா தொற்றால் பாதிக்கப்பட்டு 5 நாட்களாகத் தனியார் மருத்துவமனையில் சிகிச்சை பெற்று வந்தார். அங்கிருந்து மேல் சிகிச்சைக்காக அவரைக் கிருஷ்ணகிரி அரசு மருத்துவமனைக்கு ஆக்சிஜன் வசதியுடன் கூடிய ஆம்புலன்சில் கொண்டுசென்றனர்.
மருத்துவமனையில் ஆக்சிஜன் வசதி படுக்கைகள் அனைத்தும் நிரம்பியிருந்ததால் அவருக்கு 4 மணி நேரமாகப் படுக்கை வசதி ஏற்படுத்திக் கொடுக்கவில்லை எனக் கூறப்படுகிறது. இந்நிலையில் இளைஞரின் உயிரைக் காக்க அவரின் உறவினர்கள் பலவாறு முயன்றும் அந்த இளைஞர் மூச்சுத் திணறிப் பரிதாபமாக உயிரிழந்தார்.
ஆம்புலன்சில் இருந்த ஆக்சிஜன் தீர்ந்ததாலேயே அவர் உயிரிழந்ததாகக் கூறப்படுகிறது.
RELATED POSTS
Comments