மேற்குவங்கச் சட்டப்பேரவைத் தேர்தல்: திரிணாமூல் காங்கிரஸ் வேட்பாளர் பட்டியல் நாளை வெளியீடு
மேற்குவங்கச் சட்டப்பேரவைத் தேர்தலில் போட்டியிடும் திரிணாமூல் காங்கிரஸ் கட்சியின் வேட்பாளர்கள் பட்டியலை மம்தா பானர்ஜி நாளை அறிவிக்க உள்ளார்.
294 உறுப்பினர்கள் கொண்ட மேற்கு வங்கச் சட்டப்பேரவைக்கு மார்ச் 27 முதல் ஏப்ரல் 29 வரை 8 கட்டங்களாகத் தேர்தல் நடத்தப்பட உள்ளது. தேர்தலில் போட்டியிடும் திரிணாமூல் காங்கிரஸ் வேட்பாளர்கள் பட்டியல் மார்ச் முதல் நாள் வெளியிடப்படும் என முதலில் அறிவிக்கப்பட்டது.
அதற்கு முன் திரிணாமூல் காங்கிரசைச் சேர்ந்த பிதான் நகர் மேயர் தேபசிஷ் ஜனா, சட்டமன்ற உறுப்பினர் ஜிதேந்திர திவாரி ஆகியோர் பாஜகவில் இணைந்தனர். இதனால் திரிணாமூல் வேட்பாளர் பட்டியல் வெளியீடு தள்ளி வைக்கப்பட்ட நிலையில் மம்தா பானர்ஜி நாளை வெளியிட உள்ளதாக அறிவிக்கப்பட்டுள்ளது.
RELATED POSTS
Comments