ஏழுமலையான் கோவிலுக்குச் செல்லும் மலைப்பாதை சுங்கக் கட்டணம் உயர்வு
திருப்பதி ஏழுமலையான் கோவிலுக்குச் செல்லும் மலைப்பாதை சுங்கக் கட்டணம் உயர்த்தப்பட்டுள்ளது. அலிபிரி மலைப்பாதையில் செல்லும் வாகனங்களுக்கான சுங்க கட்டணத்தை உயர்த்த வேண்டும் எனக் கடந்த ஆண்டு மார்ச் மாதம் நடந்த தேவஸ்தான அறங்காவலர் கூட்டத்தில் முடிவு செய்யப்பட்டது.
அது தொடர்பான தேவஸ்தானத்தின் பரிந்துரையைப் பரிசீலித்த அரசு, திருப்பதி மலைப்பாதையில் செல்லும் கார்களுக்கான சுங்க வரியை 15 ரூபாயிலிருந்து 50 ரூபாயாகவும் மினி பஸ் மற்றும் மினி லாரிக்கான கட்டணத்தை 50 ரூபாயிலிருந்து 100 ரூபாயாகவும் உயர்த்த அனுமதி வழங்கி உத்தரவு பிறப்பித்துள்ளது.
இந்த கட்டண உயர்வு நடைமுறை இன்னும் சில நாட்களில் அமலுக்கு வரும் எனத் தேவஸ்தான அதிகாரிகள் தெரிவித்தனர்.
RELATED POSTS
Comments