தி.மு.க.வில் வேட்பாளர் நேர்காணல் தொடங்குகிறது..! இன்று முதல் 6 ஆம் தேதி வரை நேர்காணல்

Mar 02, 2021 06:28:14 AM 0 1209

சட்டமன்ற தேர்தலில் தி.மு.க. சார்பில் போட்டியிட ஆயிரக்கணக்கானோர் விருப்ப மனு அளித்துள்ள நிலையில், வேட்பாளர்களைத் தேர்வு செய்வதற்கான நேர்காணல் இன்று தொடங்குகிறது.

தி.மு.க. சார்பில் போட்டியிட கடந்த மாதம் 17-ந் தேதி முதல் 28-ந் தேதி வரை விருப்ப மனுக்கள் பெறப்பட்டன. கொளத்தூர் தொகுதியில் மீண்டும் போட்டியிட மு.க.ஸ்டாலின் விருப்ப மனு அளித்துள்ளார்.

8 ஆயிரத்து 388 விருப்ப மனுக்கள் வினியோகம் செய்யப்பட்ட நிலையில், 7 ஆயிரத்து 967 பேர் மனுக்களை தாக்கல் செய்திருப்பதாக கூறப்படுகிறது.

இந்த நிலையில், விருப்பமனு அளித்தவர்களிடம் சென்னை அண்ணா அறிவாலயத்தில் வேட்பாளர் நேர்காணல் இன்று தொடங்குகிறது. கட்சித் தலைவர் மு.க.ஸ்டாலின் தலைமையில் நடைபெறும் இந்த நேர்காணலில் மூத்த நிர்வாகிகள் பங்கேற்கின்றனர்.

காலையில் கன்னியகுமரி, தூத்துக்குடி, நெல்லை, தென்காசி, ராமநாதபுரம் மாவட்டங்களுக்கும், மாலையில் விருதுநகர், சிவகங்கை, தேனி, திண்டுக்கல் மாவட்டங்களுக்கும் வேட்பாளர் தேர்வு நடக்கிறது.