தி.மு.க கூட்டணியில் இந்திய யூனியன் முஸ்லீம் லீக்கிற்கு 3 தொகுதி ஒதுக்கீடு

தி.மு.க கூட்டணியில் இந்திய யூனியன் முஸ்லீம் லீக் கட்சிக்கு 3 தொகுதிகளும், மனிதநேய மக்கள் கட்சிக்கு 2 தொகுதிகளும் ஒதுக்கீடு செய்யப்பட்டுள்ளன.

தொகுதி பங்கீடு பேச்சுவார்த்தைக்கு பின்னர் செய்தியாளர்களிடம் இந்திய யூனியன் முஸ்லீம் லீக் கட்சியின் தலைவர் காதர்மொய்தீன், ஏணி சின்னத்தில் தங்களது கட்சி போட்டியிடும் என்றார்.

அதனைத் தொடர்ந்து செய்தியாளர்களை சந்தித்த மனிதநேய மக்கள் கட்சியின் தலைவர் ஜவாஹிருல்லா, தி.மு.க கூட்டணியில் தங்களுக்கு 2 தொகுதிகள் ஒதுக்கப்பட்டுள்ளதாகவும், போட்டியிடும் தொகுதிகள் குறித்து ஓரிரு நாளில் அறிவிக்கப்படும் என்றும் தெரிவித்தார்.