காஷ்மீரில் மறைந்திருந்த லஷ்கர் இ தொய்பா தீவிரவாதிகள் 3 பேர் கைது

காஷ்மீரில் மறைந்திருந்த லஷ்கர் இ தொய்பா தீவிரவாதிகள் 3 பேர் கைது செய்யப்பட்டனர்.

அங்குள்ள புட்காம் மாவட்டத்தில் ராஷ்ட்ரிய ரைபிள்ஸ் படையினர் மற்றும் மத்திய ரிசர்வ் படையினர் இணைந்து ரோந்துப் பணியில் ஈடுபட்டிருந்தனர்.

அப்போது அந்தப் பகுதியில் சில தீவிரவாதிகள் மறைந்திருப்பதாக வந்த தகவலையடுத்து தேடுதல் வேட்டையைத் தீவிரப்படுத்தினர்.

இறுதியில் அப்பகுதியில் மறைந்திருந்த லஷ்கர் இ தொய்பா அமைப்புடன் இணைந்து செயல்பட்ட 3 தீவிரவாதிகளைச் சுற்றி வளைத்தனர்.

அவர்களிடமிருந்து இரு கையெறி குண்டுகள், ஏகே 47 ரக துப்பாக்கித் தோட்டாக்கள், டெட்டனேட்டர் வெடிபொருட்கள் மற்றும் செல்போன்கள் ஆகியவை பறிமுதல் செய்யப்பட்டன.