நிவர் புயல் பாதிப்புக்கு இழப்பீடு வழங்க, சீரமைப்புப் பணிகளைச் செய்ய மாநிலப் பேரிடர் நிவாரண நிதியில் இருந்து ரூ. 74.24 கோடி விடுவிப்பு - தமிழக அரசு
நிவர் புயல் பாதிப்புக்கு இழப்பீடு வழங்கவும், சீரமைப்புப் பணிகளுக்காகவும் மாநிலப் பேரிடர் நிவாரண நிதியில் இருந்து 74 கோடியே 24 லட்ச ரூபாய் விடுவிக்கப்பட்டதாகத் தமிழக அரசு தெரிவித்துள்ளது.
மாவட்ட ஆட்சியர்களுக்கும், சென்னை மாநகராட்சிக்கும், பொதுப்பணி, வேளாண்மை, நெடுஞ்சாலை, மின்வாரியம், ஊரக வளர்ச்சி உள்ளிட்ட துறைகளுக்கும் 74 கோடியே 24 லட்ச ரூபாய் விடுவித்துள்ளதாகக் குறிப்பிட்டுள்ளது.
புயல் மழை வெள்ளப் பாதிப்பில் உயிரிழந்தோர் குடும்பத்துக்கு 24 லட்ச ரூபாயும், வெள்ளக்கட்டுப்பாடு, சீரமைப்புப் பணிகளுக்காகப் பொதுப்பணித்துறைக்கு 20 கோடி ரூபாயும் விடுவிக்கப்பட்டுள்ளது.
நெடுஞ்சாலைத் துறை, சென்னை மாநகராட்சி, தமிழ்நாடு மின்னுற்பத்தி பகிர்மானக் கழகம் ஆகிய ஒவ்வொன்றுக்கும் பத்துக் கோடி ரூபாய் விடுவிக்கப்பட்டுள்ளது.
RELATED POSTS
Comments