ரூட்டு ‘தல’ மாணவர்களுக்கு போலீஸ் எச்சரிக்கை..!
சென்னை நகரில் கல்லூரிகளுக்கு செல்லும் மாணவர்கள் ரூட்டு தல என்ற பெயரில் அடாவடியில் ஈடுபட்டால் கடும் நடவடிக்கை மேற்கொள்ளப்படும் என்று சென்னை பெருநகர காவல்துறையினர் எச்சரிக்கை விடுத்துள்ளனர்.
சென்னை நகரில் கல்லூரிகளுக்கு செல்லும் மாணவர்கள் ரூட்டு தல என்ற பெயரில் அடாவடியில் ஈடுபட்டால் கடும் நடவடிக்கை மேற்கொள்ளப்படும் என்று சென்னை பெருநகர காவல்துறையினர் எச்சரிக்கை விடுத்துள்ளனர்.
சென்னையில் திங்கட்கிழமை கல்லூரிகள் திறக்கப்பட உள்ள நிலையில் ரூட்டு தல என்ற பெயரில் பேருந்தில் ஏறிக்கொண்டு மாணவர்கள் அட்டகாசம் செய்தால் கடும் நடவடிக்கை மேற்கொள்ளப்படும் என்று சென்னை பெருநகர காவல்துறையின் இணை ஆணையர் பாலகிருஷ்ணன் தெரிவித்துள்ளார்.
சம்பந்தப்பட்ட கல்லூரி நிர்வாகங்கள் தங்கள் கல்லூரி மாணவர்களுக்கு தேவையான அறிவுறுத்தல்களை வழங்க வேண்டும் என்று சுட்டிக்காட்டியதோடு, மாணவர்கள் போர்வையில் பேருந்துகளில் கலாட்டா செய்யும் சமூக விரோதிகள் மீதும் கடும் நடவடிக்கைகள் எடுக்கப்படும் என்று எச்சரித்துள்ளார்.
Comments