வலுவான நிலையில் ஆஸ்திரேலிய அணி...! ஆரோன் பிஞ்ச் சதம்., டேவிட் வார்னர், ஸ்டீவன் ஸ்மித் அரைசதம் அடித்து அசத்தல்...

Nov 27, 2020 12:24:23 PM 0 2046

வலுவான நிலையில் ஆஸ்திரேலிய அணி...! ஆரோன் பிஞ்ச் சதம்., டேவிட் வார்னர்,ஸ்டீவன் ஸ்மித் அரைசதம் அடித்து அசத்தல்...

இந்தியாவுக்கு எதிரான முதலாவது ஒருநாள் கிரிக்கெட் போட்டியில், டாஸ் வென்று முதலில் பேட்டிங் செய்த ஆஸ்திரேலிய அணி நிதானமாக ரன் சேர்த்து வருகின்றது. கேப்டன் ஆரோன் பிஞ்ச் சதம் அடித்துள்ளார்.

ஆஸ்திரேலியாவில் சுற்றுப்பயணம் மேற்கொண்டுள்ள விராட் கோலி தலைமையிலான இந்திய கிரிக்கெட் அணி 3 ஒருநாள், மூன்று டி20 மற்றும் 4 டெஸ்ட் போட்டிகளில் பங்கேற்கிறது. இந்நிலையில் இரு அணிகளுக்கு இடையேயான முதலாவது ஒருநாள் போட்டி சிட்னியில் இன்று தொடங்கியது. இதில் டாஸ் வென்ற ஆஸ்திரேலிய அணியின் கேப்டன் ஆரோன் பிஞ்ச் பேட்டிங்கை தேர்வு செய்தார். இதனையடுத்து தொடக்க ஆட்டக்காரர்களாக டேவிட் வார்னர், ஆரோன் பிஞ்ச் ஆகியோர் களமிறங்கினர்.

இந்திய பந்துவீச்சாளர்களை திறம்பட சமாளித்து சிறப்பான ஆட்டத்தை வெளிப்படுத்தி வரும் ஆஸ்திரேலிய வீரர்கள் சீராக ரன்களை சேர்த்து வருகின்றனர்.

சிறப்பான ஆட்டத்தை வெளிப்படுத்திய டேவிட் வார்னர் 69 ரன்கள் சேர்த்த நிலையில், முகமது சமியின் பந்து வீச்சில் கேட்ச் ஆகி வெளியேறினார்.

தொடர்ந்து சிறப்பான ஆட்டத்தை வெளிப்படுத்திய கேப்டன் ஆரோன் பிஞ்ச் சதம் அடித்து அசத்தினார். 2வது விக்கெட்டுக்கு களமிறங்கிய ஸ்டீவன் ஸ்மித் 36 பந்துகளில் அரைசதம் விளாசிய நிலையில், ஆஸ்திரேலிய அணி வலுவான நிலையில் உள்ளது.