அடுத்த ஆண்டு சிஎஸ்கே கேப்டனாக தோனி தொடர வாய்ப்பில்லை? - இந்திய அணியின் முன்னாள் பேட்டிங் கோச் பங்கார் தகவல்

அடுத்த ஐபிஎல் சீசனில், சிஎஸ்கே அணியின் கேப்டனாக தோனி இருக்க மாட்டார் என இந்திய அணியின் முன்னாள் பேட்டிங் பயிற்சியாளர் சஞ்சய் பங்கார் கூறியுள்ளார்.

ஸ்டார் ஸ்போர்ட்சின் கிரிக்கெட் கனக்டெட் நிகழ்ச்சியில் பேசிய அவர், கேப்டன் பொறுப்பை தென்னாப்பிரிக்க வீரரான டு பிளெசிஸ் இடம் தோனி ஒப்படைத்து விட்டு சாதாரண வீரராக மட்டும் களமிறங்குவார் என கூறினார்.

சிஎஸ்கே அணிக்கு கேப்டனாக இருக்கும் தகுதி வாய்ந்த எந்த வீரரையும் மற்ற அணிகள் ஏலத்தில் விட்டுக் கொடுக்காது என்ற அவர், எனவே இயற்கையான தேர்வாக, தென்னாப்பிரிக்காவின் கேப்டனாக இருந்து அனுபவம் பெற்ற டு பிளெசிஸ் சிஎஸ்கே கேப்டனாவார் என கூறினார்.