நாளை ஐபிஎல் இறுதிப்போட்டி : மும்பை - டெல்லி அணிகள் மோதல்

ஐபிஎல் கிரிக்கெட் தொடரின் சாம்பியன் பட்டத்தை வெல்வது யார் என்பதை தீர்மானிக்கும் போட்டியில் மும்பை, டெல்லி அணிகள் பலப்பரீட்சை நடத்த உள்ளனர்.

அவ்விரு அணிகளும் மோதும், இறுதிப்போட்டி துபாயில் நாளை இரவு 7.30 மணிக்கு நடைபெறுகிறது. இந்த போட்டியில் ரோகித் ஷர்மா தலைமையிலான மும்பை அணி, ஷ்ரேயாஸ் ஐயர் தலைமையிலான டெல்லி அணியுடன் மோதுகின்றன.

மும்பை அணி 6-ஆவது முறையாகவும், டெல்லி அணி முதன்முறையாகவும் இறுதிப்போட்டியில் களம் காண்கின்றன. பலம் வாய்ந்த மும்பை அணி மீண்டும் கோப்பை வெல்லும் நோக்கிலும், முதன் முறையாக சாம்பியன் ஆகும் நோக்கில் டெல்லி அணியும் நாளை விளையாட உள்ளன.

இந்த ஆண்டு ஐபிஎல் தொடரில் மும்பை அணி 3 முறை டெல்லியை வீழ்த்தி உள்ளது குறிப்பிடத்தக்கது.