ஆப்கானிஸ்தானில் பல்கலைக்கழகத்திற்குள் புகுந்து பயங்கரவாதிகள் சுட்டதில் 25 பேர் பலி.

ஆப்கானிஸ்தானில் உள்ள காபூல் பல்கலைக்கழகத்தில் பயங்கரவாதிகள் நடத்திய தாக்குதலில் 25 பேர் உயிரிழந்தனர்.

பல்கலைக்கழகத்திற்குள் புகுந்த பயங்கரவாதிகள் கண்மூடித்தனமாக துப்பாக்கியால் சுட்டதுடன், மாணவர்களையும் பிணையக் கைதியாக சிறைபிடித்தனர். இது பற்றி தகவல் அறிந்ததும் பாதுகாப்பு படையினர் விரைந்து சென்று மீட்பு நடவடிக்கையில் ஈடுபட்டனர். தாக்குதல் நடத்திய 3 பயங்கவராதிகளும் பின்னர் சுட்டுக் கொல்லப்பட்டனர்.

இந்த தாக்குதலில் 25பேர் பலியானதாகவும் 10க்கும் மேற்பட்டோர் காயமடைந்ததாகவும் தெரிவிக்கப்பட்டுள்ளது. பிணையக் கைதியாக பிடித்து வைக்கப்பட்ட அனைவரும் மீட்கப்பட்டனர். இந்த தாக்குதலை தாங்கள் நடத்தவில்லை என்று தாலிபான் அமைப்பு மறுத்துள்ளது.