தமிழகத்தில் மேற்கொள்ளப்பட்ட கொரோனா தடுப்பு பணிகளுக்கு பிரதமர் மோடி பாராட்டு
கொரோனா வைரஸ் தொற்று பரவலைக் கட்டுப்படுத்துவதில், பிற மாநிலங்களுக்கும் தமிழ்நாடு எடுத்துக்காட்டாக விளங்கி வருவதாக பிரதமர் மோடி கூறியுள்ளார்.
இறப்பு விகிதத்தை குறைப்பதிலும் பல நடவடிக்கைகளை தமிழ்நாடு எடுத்துள்ளதால், இறப்பு விகிதம் மேலும் குறையும் என பிரதமர் நம்பிக்கை தெரிவித்துள்ளார்.
தமிழ்நாட்டில் 7 மாவட்டங்களில் மட்டும் நோய் அதிக அளவில் இன்னும் காணப்படுவதால், அதற்கு தமிழ்நாடு அரசு தனி கவனம் செலுத்த வேண்டும் என்று அவர் வலியுறுத்தியுள்ளார்.
மத்திய அரசின் ஆயுஷ் சஞ்சீவனி செயலியினை தமிழ்நாடு சிறப்பாக பயன்படுத்தி, தொலை மருத்துவ துறையில் முன்னணியில் இருப்பதாகவும் ,தமிழ்நாட்டின் அனுபவம் இந்தியாவிற்கே உதாரணமாக திகழ்கிறது என்றும் பிரதமர் மோடி பாராட்டு தெரிவித்துள்ளார்.
RELATED POSTS
Comments