ரிலையன்ஸ் சில்லறை வர்த்தகத்தில் ரூ.5,550 கோடி முதலீடு செய்யும் KKR நிறுவனம்

அமெரிக்க முதலீட்டு நிறுவனமான KKR, ரிலையன்ஸ் சில்லறை வர்த்தகப் பிரிவில் 5 ஆயிரத்து 550 கோடி ரூபாயை முதலீடு செய்ய உள்ளதாக தகவல் வெளியாகி உள்ளது. இதற்காக ரிலையன்ஸ் சில்லறை வர்த்தக பிரிவின் 1.28 சதவிகித பங்குகள் அதற்கு வழங்கப்படும் என கூறப்படுகிறது.

இந்த ஆண்டு துவக்கத்தில், KKR நிறுவனம் ரிலையன்சின் ஜியோவில் 11 ஆயிரத்து 367 கோடி ரூபாயை முதலீடு செய்தது. ரிலையன்ஸ் சில்லறை வர்த்தக பிரிவிற்கு நாடு முழுதும் 12 ஆயிரம் கடைகள் உள்ளன. உலக அளவில் வேகமாக வளரும் சில்லறை வர்த்தக நிறுவனங்களின் பட்டியலில் ரிலையன்ஸ் 56 ஆவது இடத்தில் உள்ளது.