ஈரான் மீது பொருளாதார தடைகள் மீண்டும் அமல்படுத்தப்பட்டுள்ளதாக அமெரிக்கா அறிவிப்பு

ஈரான் மீது பொருளாதார தடைகள் மீண்டும் அமல்படுத்தப்பட்டுள்ளதாக அமெரிக்கா அறிவித்துள்ளது.

இதுகுறித்து செய்தியாளர்களிடம் பேசிய அந்நாட்டு வெளியுறவு அமைச்சர் மைக் பாம்பியோ, ஐ.நா. பாதுகாப்பு கவுன்சில் தீர்மானம் 2231-ன் கீழ் இந்த நடவடிக்கை எடுக்கப்பட்டுள்ளது என்றார்.

தடைகளை அமல்படுத்த தவறும் ஐ.நா. உறுப்பு நாடுகள், விளைவுகளை சந்திக்க நேரிடும் என்று அவர் எச்சரித்தார். வரும் நாட்களில் ஐ.நா. பொருளாதார தடைகளை அமல்படுத்துவதை வலுப்படுத்தவும், அதை மீறுபவர்களை பொறுப்புக்கூற வைக்கும் பல கூடுதல் நடவடிக்கைகளை அமெரிக்கா அறிவிக்கும் என்று அவர் தெரிவித்தார்.