ஐ.நா.சபை கூட்டத்தில் பிரதமர் மோடி உரையாற்றுகிறார் - ஐ.நா.வுக்கான இந்திய தூதர் திருமூர்த்தி தகவல்

ஐ.நா. பொதுசபை கூட்டத்தில் பிரதமர் மோடி ஆற்றும் உரைகள் முக்கியத்துவம் வாய்ந்ததாக இருக்கும் என ஐ.நா.வுக்கான இந்திய தூதர் திருமூர்த்தி கூறியுள்ளார்.  ஐ.நா. பொதுசபையின் வருடாந்திர கூட்டம் நாளை தொடங்குகிறது.

இந்த ஆண்டு ஐ.நா.வின் 75-வது ஆண்டு என்பதால் அதன் நினைவாக நாளை உயர்மட்ட கூட்டம் நடக்கிறது.

22-ந்தேதி முதல் 29-ந்தேதி வரை பொது சபை கூட்டம் நடைபெறுகிறது. இதில் பிரதமர் மோடி 26-ந்தேதி சிறப்புரை நிகழ்த்துகிறார்.

மோடியின் 2 உரைகளும் வீடியோ காட்சிகளாக ஒளிபரப்பப்படுகிறது. மோடியின் உரைகள் இரண்டும் முக்கியத்துவம் வாய்ந்ததாக இருக்கும் என ஐ.நா.வுக்கான இந்திய தூதர் திருமூர்த்தி கூறியுள்ளார்.