உள்நாட்டு விமான பயணிகளுக்கான தமிழ்நாடு இபாஸ் வசதி இன்று மாலை 6 மணி முதல் திரும்பப் பெறப்படுகிறது - சென்னை விமான நிலையம்

சென்னை மீனம்பாக்கம் விமான நிலையத்தில் இருக்கும் தமிழ்நாடு இபாஸ் (TN e-Pass) பெறும் வசதி இன்று மாலை 6 மணி முதல் திரும்பப் பெறப்படுவதாக அறிவிக்கப்பட்டுள்ளது.

கொரோனா பரவல் தடுப்பு நடவடிக்கையாக விதிக்கப்பட்ட பயணக் கட்டுப்பாடு நடவடிக்கைகளில் ஒன்றாக மாநிலங்களுக்கு இடையே விமானத்தில் பயணிப்போருக்கு இபாஸ் அறிமுகப்படுத்தப்பட்டது.

இந்நிலையில் ட்விட்டர் பக்கத்தில் சென்னை விமான நிலையம் வெளியிட்ட பதிவில், இன்று மாலை 6 மணி முதல் அந்த வசதி திரும்பப் பெறப்படுவதாகவும், இனிமேல் இபாஸை பயணத்துக்கு முன்பு அதற்கென அறிவிக்கப்பட்ட இணையத்தில் விண்ணப்பித்து பெறும்படி பயணிகளை கேட்டுக் கொள்வதாக கூறப்பட்டுள்ளது.

Important Update: The TN e-Pass facility at #Chennaiairport domestic arrival stands withdrawn from 1800 hrs, today. We request all interstate passengers arriving at #Chennai to apply for TN e-Pass from the link https://t.co/TOgBHnIuu4 prior commencing the journey. @AAI_Official

— Chennai (MAA) Airport (@aaichnairport) September 18, 2020