மாதவன், அனுஷ்கா நடிப்பில் உருவாகியுள்ள நிசப்தம் திரைப்படம் ஓடிடி-யில் வெளியீடு

பிரபல நடிகர் மாதவன், நடிகை அனுஷ்கா ஷெட்டி உள்ளிட்டோர் நடிப்பில் உருவாகியுள்ள நிசப்தம் திரைப்படம், அமேசான் பிரைம் ஓடிடி தளத்தில் அக்டோபர் 2ம் தேதி ரிலீஸ் செய்யப்பட இருப்பதாக அறிவிக்கப்பட்டுள்ளது.

ஹேமந்த் மதுகர் இயக்கிய அப்படத்தில், கில்பில் உள்ளிட்ட ஹாலிவுட் படங்களில் நடித்துள்ள ஹாலிவுட் நடிகர் மைக்கேல் மேட்சனும் (Michael Madsen) நடித்துள்ளார்.

கொரோனா ஊரடங்கால் திரையரங்குகள் மூடப்பட்டு கிடப்பதால் புதிய படங்களை ரிலீஸ் செய்ய முடியாத நிலை காணப்படுகிறது. இதையடுத்து நடிகர் சூர்யா நடித்த சூரரை போற்று திரைப்படம், அமேசான் ஓடிடி தளத்தில் ரிலீஸ் ஆகும் என அறிவிக்கப்பட்டது. அந்த வரிசையில், நிசப்தம் திரைப்படமும் ஓடிடியில் ரிலீஸ் ஆகிறது.