ஜேஇஇ முதன்மைத் தேர்வின் தேர்வு முடிவில் 24 மாணாக்கர்கள் முழு மதிப்பெண் பெற்று முதலிடம்

இரண்டு கட்டங்களாக நடந்து முடிந்த ஜேஇஇ முதன்மைத் தேர்வின் முடிவில், 24 மாணாக்கர்கள் 100 சதவீத மதிப்பெண்களை பெற்றுள்ளனர்.

மத்திய உயர்கல்வி நிறுவனங்களில் இளநிலை படிப்புகளில் சேர்வதற்கு, கடந்த ஜனவரி மாதத்திலும் அதைத் தொடர்ந்து, இம்மாதம் 1ம் தேதி தொடங்கி 6ம் தேதி வரையிலும் ஜேஇஇ முதன்மைத் தேர்வு நடைபெற்றது.

இந்நிலையில் தேசிய தேர்வு முகமை வெளியிட்டுள்ள அந்த தேர்வு முடிவில், தெலங்கானாவில் 8 பேர், டெல்லியில் 5 பேர் உள்ளிட்ட 24 பேர் முழு மதிப்பெண்களை பெற்றுள்ளதாக குறிப்பிடப்பட்டுள்ளது.

தேர்வுப் பட்டியலில் முதல் 2 லட்சத்து 45 ஆயிரம் இடங்களுக்குள் இடம்பெற்றவர்கள் மட்டுமே, ஜேஇஇ அட்வான்ஸ் தேர்வை எழுத உள்ளனர் என்பது குறிப்பிடத்தக்கது.