அரசு விரைவு பேருந்துகளில் அதிகரிக்கும் பயணிகள் எண்ணிக்கையால் பேருந்துகளின் எண்ணிக்கை நாளை முதல் அதிகரிப்பு

அரசு விரைவு பேருந்துகளில் தினமும் 5 ஆயிரம் பேர் முன்பதிவு செய்வதாகவும், கூடுதலாக பேருந்துகளை இயக்க முடிவு செய்துள்ளதாகவும் அதிகாரிகள் தெரிவித்துள்ளனர்.

இதுகுறித்து போக்குவரத்துக்கழக அதிகாரிகள் கூறுகையில், அரசு விரைவு பேருந்துகளில் கடந்த 3 நாட்களில் 17 ஆயிரம் பேர் பயணம் செய்துள்ளதாக கூறினர். தினமும் 5 ஆயிரம் பேர் பயணிப்பதாகவும், தினமும் 5 ஆயிரம் பேர் முன்பதிவு செய்வதாகவும் அவர் குறிப்பிட்டார்.

சென்னையில் இருந்து தென்மாவட்டங்களுக்கும், பிற மாவட்டங்களில் இருந்து சென்னைக்கும் பயணிப்போர் எண்ணிக்கை அதிகரித்து வருவதால் கூடுதல் பஸ்களை இயக்க தயாராக இருப்பதாக அவர் தெரிவித்தார்.