சென்னை கலைவாணர் அரங்கில் சட்டப்பேரவையை கூட்டுவதற்கான ஏற்பாடுகள் தீவிரம்.

சென்னை கலைவாணர் அரங்கில் வரும் 14ஆம் தேதி சட்டப்பேரவை கூடவுள்ள நிலையில், அங்கு அதற்கான ஏற்பாடுகள் செய்யப்பட்டு வருகின்றன.

கலைவாணர் அரங்கத்தின் மூன்றாம் தளத்தில் 12 ஆயிரம் சதுரஅடி பரப்பளவில் பேரவைக் கூட்டத்திற்கான அரங்கு அமைக்கப்பட்டு வருகிறது.

எம்எல்ஏக்கள் அமர்வதற்கு, 6 அடி இடைவெளியில் இருக்கைகள் அமைக்கப்படுகின்றன. சபாநாயகர், முதலமைச்சர், துணை முதலமைச்சர், அமைச்சர்கள் வருவதற்கு தனிப்பாதையும், சட்டமன்ற உறுப்பினர்கள் வருவதற்கு தனிப்பாதையும் அமைக்கப்பட்டுள்ளன.

முதலமைச்சருக்கான பிரத்யேக அலுவலகம், அறை மூன்றாம் தளத்திலும், இரண்டாம் தளத்தில் துணை முதலமைச்சர் உள்ளிட்டோருக்கும், முதல் தளத்தில் சட்டப்பேரவை தலைவர் உள்ளிட்டோருக்கும் அறைகள் இடம்பெற்றுள்ளன.

தரைத்தளத்தில் எதிர்க்கட்சித்தலைவர் உள்ளிட்டோருக்கான அறைகள் இடம்பெற்றுள்ளன.