திரையுலகினருக்கு போதைப்பொருள் சப்ளை செய்த விவகாரம்- பிரபல நடிகை ராகினி திவேதி கைது

கன்னட திரையுலகினருக்கு போதைப்பொருள் சப்ளை செய்த விவகாரத்தில், பிரபல நடிகை ராகிணி திவேதி கைது செய்யப்பட்டு விசாரணைக்கு அழைத்துச் செல்லப்பட்டார்.

அண்மையில் பெங்களூரில் பிடிபட்ட போதைப் பொருள் சப்ளை கும்பல் மூலம், கன்னட நடிகர் நடிகைகளுக்கு போதைப்பொருள் விநியோகிக்கப்படுவது தெரியவந்துள்ளது. அண்மையில், ராகிணியின் நண்பரான ரவி என்ற நபரை கைது செய்த போலீசார், அவரிடம் நடத்திய விசாரணை மூலம், போதைப்பொருள் சப்ளை விவகாரத்தில் நடிக்கைக்கும் தொடர்பிருப்பதாக சந்தேகித்துள்ளனர்.

இதையடுத்து நீதிமன்றத்தில் சர்ச் வாரண்ட் பெற்ற போலீசார், இன்று காலை 6.30 மணிக்கு, ராகிணி வீட்டில், அவரது முன்னிலையில் சோதனை நடத்தினர்.

பின்னர் அவரை தடுப்புக் காவலில் விசாரணைக்கு கொண்டு சென்றனர். ஹரியானாவை பூர்விகமாகக் கொண்ட நடிகை ராகிணி திவேதி, அறியான், நிமிர்ந்து நில் உள்ளிட்ட தமிழ்ப்படங்களிலும் நடித்துள்ளார்.