தங்கப் பத்திர முதலீடு விண்ணப்பப் பதிவு இன்று முதல் தொடக்கம்

இந்திய அரசின் தங்கப் பத்திர முதலீட்டுத் திட்டத்துக்கான விண்ணப்பப் பதிவு இன்று தொடங்கியுள்ளது.

ஒரு கிராம் ஐயாயிரத்து 117 ரூபாய் என்கிற விலையில் இந்திய அரசு தங்கப் பத்திரம் வெளியிடுகிறது. இந்தப் பத்திரத்தை வாங்குவதற்குப் பட்டியலிட்ட வணிக வங்கிகள், பங்குச்சந்தைகள், குறிப்பிடத் தக்க அஞ்சலகங்கள் ஆகியவற்றிலும், இணையத்தளத்திலும் வரும் வெள்ளிக் கிழமை வரை விண்ணப்பிக்கலாம்.

இணையவழியில் பதிவு செய்து மின்னணுப் பணப்பரிமாற்றத்தில் தொகையைச் செலுத்துவோருக்கு ஒரு கிராமுக்கு 50 ரூபாய் தள்ளுபடி வழங்கப்படுகிறது.

பதிவு செய்து பணம் செலுத்தியோருக்கு செப்டம்பர் எட்டாம் நாள் தங்கப்பத்திரங்கள் வழங்கப்படும்.