புல்வாமா மாவட்டத்தில் 3 தீவிரவாதிகள் சுட்டுக் கொலை : வீரர் ஒருவர் வீர மரணம்

ஜம்மு-காஷ்மீரின் புல்வாமா மாவட்டத்தில் 3 தீவிரவாதிகள் சுட்டுக் கொல்லப்பட்டனர். என்கவுன்ட்டரின்போது வீரர் ஒருவரும் வீர மரணம் அடைந்தார்.

ஜதூரா என்ற பகுதியில், ராணுவம், சிஆர்பிஎஃப் மற்றும் போலீசார் கூட்டாக இன்று அதிகாலையில் தேடுதல் வேட்டையில் ஈடுபட்டனர். அப்போது மூண்ட துப்பாக்கிச் சண்டையில் 3 தீவிரவாதிகள் சுட்டுக் கொல்லப்பட்டனர்.

மோதலில் வீரர் ஒருவரும் படுகாயமடைந்து, மருத்துவமனையில் அனுமதிக்கப்பட்ட நிலையில் உயிரிழந்தார். தீவிரவாதிகள் வசமிருந்த ஆயுதங்கள், வெடிபொருட்கள் பறிமுதல் செய்யப்பட்டன. கடந்த 24 மணி நேரத்தில் இருவேறு என்கவுன்ட்டர்களில் 7 தீவிரவாதிகள் சுட்டுக் கொல்லப்பட்டுள்ளனர்.