ரூ.40ஆயிரத்திற்கு கீழ் குறைந்த தங்கம்

சென்னையில் தங்கம் விலை  சவரனுக்கு மேலும் 440 ரூபாய் குறைந்துள்ளது. தொடர்ந்து அதிகரித்து வந்த தங்கம் விலை, ஒரு கட்டத்தில் 43 ஆயிரம் ரூபாய் வரை விலை அதிகரித்து இமாலய உச்சம் தொட்டு விற்பனையானது.

இந்நிலையில் கடந்த சில நாட்களாக தங்கம் விலை குறைந்து வருகிறது. அந்தவகையில் இன்றும் சென்னையில் ஆபரணத்தங்கத்தின் விலை குறைந்துள்ளது. ஒரு கிராம் ஆபரணத்தங்கம் 55 ரூபாய் குறைந்து 4 ஆயிரத்து 993 ரூபாய்க்கு விற்பனை செய்யப்படுகிறது.

அதே போல் ஆபரணத்தங்கம் ஒரு சவரன் 440 ரூபாய் குறைந்து 39 ஆயிரத்து 944 ரூபாய்க்கு விற்பனையாகிறது. அதே போல் வெள்ளி விலையும் சற்றே குறைந்துள்ளது. பார்வெள்ளி ஒரு கிலோ 500 ரூபாய் குறைந்து 72 ஆயிரத்து 200 ரூபாய்க்கு விற்பனை செய்யப்படுகிறது.