பூமியின் வெப்பநிலை உயர்வால் 30 ஆண்டுகளில் 23 ட்ரில்லியன் டன்கள் பனிப்பகுதி இழப்பு

பூமி கடந்த 30 ஆண்டுகளில் 23 ட்ரில்லியன் டன்கள் பனிப்பகுதியை இழந்திருப்பதாக விஞ்ஞானிகள் தெரிவித்துள்ளனர்.

எடின்பரா பல்கலைக்கழகம் மற்றும் லண்டன் பல்கலைக்கழக கல்லூரியில் உள்ள ஆய்வாளர்கள் நடத்திய ஆய்வில், 1994ம் ஆண்டு முதல் 2007ம் ஆண்டுவரை பசுமைவாயுக்களின் தாக்கம் அதிகம் இருந்தது தெரியவந்துள்ளது.

பூமி வெப்பமயமாதலின் விளைவால் நடப்பாண்டு வரை பனி இழப்பு விகிதம் 57 விழுக்காடு அதிகரித்து இருப்பதாகவும் அந்த ஆய்வில் தெரியவந்துள்ளது.

இதன் காரணமாக அண்டார்க்டிகா, கிரீன்லாந்து போன்ற இடங்கள் அதிகம் பனியை இழந்துள்ளதாக விஞ்ஞானிகள் கூறியுள்ள நிலையில், பூமியின் மீது சூரிய வெளிச்சத்தின் வெப்பம் இனி நேரடியாகத் தாக்கும் என்றும் எச்சரித்துள்ளனர்.