சிவபக்தன் என வரம் கிடைப்பதற்காக மனித தலையை அடுப்பில் சுட்டு சாப்பிட்ட சைக் இளைஞன் கைது

ஆந்திராவில் மனித தலையை அடுப்பில் சுட்டு சாப்பிட்டு கொண்டிருந்த சைக்கோ இளைஞன் தான் சிவ பக்தன் என்றும் வரம் கிடைக்கும் என்பதால் இவ்வாறு செய்தாகவும் அதிர்ச்சி வாக்குமூலம் அளித்துள்ளான்.

விசாகப்பட்டினம் ரெல்லி வீதியில் இளைஞர் ஒருவர் ஒரு பெண்ணுடன் சேர்ந்து மனித தலையை நெருப்பில் சுட்டு சாப்பிடுவதாக பக்கத்து வீட்டுக்காரர் அளித்த தகவலின் பேரில், அங்கு சென்ற போலீசார் இளைஞரையும், பெண்ணையும் கைது செய்து விசாரணை மேற்கொண்டனர்.

விசாரணையின் போது, தான் சிவபக்தன் எனவும், வரம் கிடைக்கும் என்பதால் விசாகப்பட்டினம் அரசு மருத்துவமனையின் சவக் கூடத்திலிருந்து மனித தலையை கொண்டு வந்து சுட்டு சாப்பிட்டதாகவும் அதிர வைக்கும் வாக்குமூலம் அளித்துள்ளான். மேலும் அவனுடன் இருந்த பெண் குறித்தும் விசாரணை நடைபெற்று வருகிறது.